АҞӘА, жәабран 15 — Sputnik. Быжьҩык иреиҵамкәа ауаа ҭахеит Флоридатәи ашколқәа руак аҟны аҭыԥ змаз ахысрақәа ирыхҟьаны ҳәа аанацҳауеит РИА Новости.
Аҭыжьымҭа Miami Herald ишаҳәо ала заҟаҩ шьыҵәҟьо макьаназ ишьақәыргылам, ихәу рхыԥхьаӡара 20-50-ҩык рҟынӡа инаӡоит.
"Ацәгьара иуит ҳәа агәаанагара ззыҟоу ауаҩы уажәы аполициа дааныркылеи" ҳәаа ҳәеит ателеканал WSVN 7 News. Ателеканал CNN иара убасгьы ахәаԥшцәа иднарбеит акадырқәа – аполициаа аԥхьа деимданы, нас аполициатә машьына арԥыск инапқәа ҿаҳәаны дышҭадыртәоз.
Аамҭақәак рышьҭахь аокруг Бровард ашериф абри аинформациа шьақәирӷәӷәеит. "Ихысуаз ауаҩы даанкылоуп", — иҳәеит иара.
Аҭыԥантәи ателеканал WSVN адыррақәа рыла ихысуаз иара абри аҵаратә усҳәарҭаҟны аҵара иҵон.