АҞӘА, хәажәкыра 6 — Sputnik. Иааҟәымҵуа илеиуаз ақәоура иахҟьеит хәажәкыра 5 рзы Шәачатәи амҩаҿы (Мамаитәи ахыҵырҭа) ахаҳәлеира ҳәа аанацҳауеит ақалақь ахадара асаит. Уажәы амҩатә усзуҩцәа ахаҳәлеира аԥдырҟәҟәааит, атранспорт аусура хацыркхеит.
"Ахаҳә дуқәа ашьха иаҿыбганы амҩа ианаҳалеит. Анцәа иџьшьаны имҩасуаз автомашьынақәа ԥырхага рмоуит. Уи иацхрааит уаанӡа абарҭ аҭыԥқәа рҟны иргылаз акаҭақәа. Ахаҳә шлеиуз збаз амашьынарныҟәцаҩцәа ианаамҭаз уи рхы ацәыргеит. Ахҭыс иахҟьаны машәыр ҟамлеит", — ҳәа аҳәоит асаит аҟны.
Уажәазы асеиԥш еиҭаҟамларц азы аҭыԥ акәша-мыкәша агәаҭарақәа мҩаԥысуеит.
Камнепад в Сочи
© vk.com/sochinetip