АҞӘА, хәажәкыра 13 — Sputnik. Абри аамҭазы Африн иҭархоуп 3393-ҩык рҟынӡа атеррористцәа ҳәа аанацҳауеит РИА Новости.
"Аоперациа мҩаԥнагоит Ҭырқәтәыла арратә мчрақәа рштаб хада. Абри аамҭазы Африн иҭархоуп 3393-ҩык рҟынӡа атеррористцәа. Аоперациа қәҿиарала имҩаԥысуеит" ҳәа аҳәоит аштаб хада Twitter аҿы адаҟьаҟны.
Уаанӡатәи аштаб хада адыррақәа рҟны иазгәаҭан аоперациаан иҭахеит ҳәа 43-ҩык ҭырқәтәылатәи аруаа.
Шьамтәылатәи Африн аҿы акурдцәа реиҿкаарақәа ирҿагыланы арратә операциа амҩаԥгара хацркын ажьырныҳәа 20 рзы.
Дамаск акәзар аҭагылазаашьа иашам ҳәа иаԥхьаӡоит, Африн Шьамтәыла иахәҭакны иахәаԥшуеит.
Москва ааԥхьара ҟанаҵоит Шьамтәыла аҵакырадгьылтә акзаара ҳаҭыр ақәҵазарц.