АҞӘА, хәажәкыра 23– Sputnik. Евроеидгыла Урыстәыла иҟоу Ацҳаражәҳәаҩ шьҭахьҟа иргьыжьра агәы иҭоуп. Абри аҩыза аӡбамҭа рыдыркылеит Евроеидгыла атәылақәа рхадацәа реилацәажәараан ҳәа аанацҳауеит РИА Новости, Швециатәи Аԥыза-министр Стефан иҳәамҭа шьаҭас иҟаҵаны.
"Ҳара аӡбра ҳадаҳкылеит Евроеидгыла Урыстәыла иҟоу Ацҳаражәҳәаҩ шьҭахьҟа дҳаргьыжьырц", — ҳәа иажәақәа еиҭанаҳәоит Еврохеилак апресс-маҵзура.
Уаанӡа, Британиа ду Аԥыза-министр Тереза Меи Европа егьырҭ атәылақәагьы Москва ахара адырҵарц лҭахын, илҭахын ГРУ уаанӡатәи аусзуҩ Сергеи Скрипали иԥҳаи рус иахырҟьаны Урыстәылатәи адипломатцәа атәылақәа ирылырцарц.
Уи адагьы Аԥыза-министр Евроеидгыла асаммит аҟны аҳәамҭа ҟалҵеит "Урыстәыла апроблема шықәсыла аҭыԥқәҵара шамоуа", Москва акәзар Европа зегьы азы ашәарҭара шахылҵуа.
Хәажәкыра 4 рзы Солсбери, Британиатәи амаҵзура ҷыдақәа аус рыцызуаз, уаанӡа ГРУ аус зуаз Сергеи Скрипаль ахәшә иҭан дшьын. Ахархәара аман Урыстәыла иҭыжьу амаҭәашьар "Новичок" ҳәа аҳәамҭа ҟанаҵеит Британаитәи амаҵзура ҷыда.
Урыстәыла акәзар абри мап ацәнакуеит.