АҞӘА, мшаԥы 4— Sputnik. Москва мрагыларатәи ахәҭаҿы иҟоу ахәаахәҭратә Центр "Персей" аҟны амцакра ҟалеит ҳәа аанацҳауеит РИА Новости.
"Амцакра ауадаҩра а-2-тәи аранг иаҵанакуеит (ишәарҭоу ҳәа иԥхьаӡоуп). Иҟоуп ааха змоу ауаа, аҭааҩцәа рдәылгара иаҿуп", — ҳәа аҳәоит адырраҭараҿы.
Ахҭыс ҟалеит Урыстәыла зегьы аҟны Кемерово аҭыԥ змаз арыцҳара ашьҭахь агәаҭарақәа анымҩаԥырго аамҭазы.
Хәажәкыра 25 рзы Кемерово ахәаахәҭратә центр "Зимняя вишня" аҿы иҟалаз амцакра иахҟьаны иҭахеит 64-ҩык ауаа, урҭ рҟынтәи 41-ҩык хәыҷқәан.