АҞӘА, лаҵара 2— Sputnik. Лаҵара 2 2014 шықәса рзы Одесса аҭыԥ змаз аилаҩынтраан иҭахеит 48-ҩык ауааԥсыра, аахақәа роуит 250-ҩык. Арыцҳара ахьыҟаз аҭыԥ ахь ашәҭшьыҵәрақәеи ацәашьқәеи рыманы инеиит ҳәа аанацҳауеит РИА Новости.
Украина аполициаа рдыррақәа рыла абри амш аҽны иарбанызаалк хҟьа-ҿҟьак ҟамлеит. Куликов идәы иаакәыршаны аполициа аусзуҩцәа гылан.
Азинхьчаратә органқәа ишырҳәо ала сынтәа русура еиҳа иҭышәынтәалоуп, избанзар "георгиевская ленточка." официалла иаԥыхуп. Ауснагӡатә ашьҭахь, ахәылбыҽха, асааҭ 18.00 рзы имҩаԥысраны иҟоуп анационал еиҿкаарақәа рныҟәара.
Лаҵара 2 2014 шықәса рзы "антимайдан" активистцәеи "евромайдан" арадикалцәеи рыбжьара аидыслара ҟалеит. Аисра икылнагеит Азанааҭеидгылақәа Рыҩны амца ацраҵарахьы. Уахьоуп ҽыҵәахра ҳәа иахьнеиз "антимайдан" алахәылацәа.
Абри амш аҽны иҭахеит 48-ҩык ауааԥсыра.