АҞӘА, лаҵара 3— Sputnik. Урыстәыла Ахада Владимир Путин лаҵара 3 рзы Шәача ақалақь аҟны имҩаԥигараны дыҟоуп ашьапылампыл азы адунеи ачемпионат аиҿкааратә хеилак аилатәара, еиԥылараны иҟоуп ФИФА апрезидент Джанни Инфантинои иареи ҳәа аанацҳауеит Р-Спорт Урыстәыла Ахада Владимир Путин ипресс-маӡаныҟәгаҩ Дмитри Песков иажәақәа ҵаҵӷәыс иганы.
Урыстәыла Ахада Владимир Путин лаҵара 3 рзы Шәача ақалақь аҟны имҩаԥигараны дыҟоуп ашьапылампыл азы адунеи ачемпионат аиҿкааратә хеилак аилатәара. Аилатәараҟны ирылацәажәараны иҟоуп астадионқәа разырхиара, аинфраструктура ашьақәыргылара, атранспорттә, амедицинатә, аинформациатә еиқәыршәара.
Урыстәыла иахьаҵанакуа раԥхьатәи ашьапылампыл азы адунеи ачемпионат мҩаԥысуеит Урыстәыла ақалақьқәа 11 рҟны.