АҞӘА, лаҵара 10— Sputnik. Анефҭ ала ахәаахәҭра адыррарбагақәа шаҳаҭра руеит 2014 шықәса раахыс анефҭ ахәԥса еиҳа ишыҳаракхаз. Асеиԥш аҭагылазаашьа аҭыԥ аиуит Дональд Трамп ЕАШ аиадертә программаз Ирани иареи реиқәшаҳаҭра ишалҵуа азы аҳәамҭа аныҟаиҵа ашьҭахь ҳәа аанацҳауеит РИА Новости.
Аԥшьаша, лаҵара 10, асааҭ 08:08 рзы анефҭтә марка Brent ахәԥса 0,73% ихалеит, иартәеит — до 77,78 доллар баррельк азы. Анефҭтә марка WTI ахәԥса шьҭыҵит 0,77%, иартәеит —71,69 доллар баррельк азы.
Аекспертцәа ргәаанагарала Иран аганахь асанкциақәа аԥҵахар, адунеитә нефҭ аҵәахырҭақәа еиҵахар алшоит.
Уи адагьы Трамп иҳәеит зусура аанкылаз асанкциақәагьы шеиҭахацыркхо азы.
Аекспертцәа ргәаанаграла аԥхын анефҭтә марка Brent ахәԥса иартәар алшоит 82,5 доллар баррельк азы.
Лаҵара 8 рзы ЕАШ апрезидент Дональд Трамп аҳәамҭа ҟаиҵеит Иран ауран аус шаднаулои аиадертә бџьар аԥҵаразы аусурақәа шымҩаԥнагои ртәы, иагьазгәеиҭеит Америка аиқәышаҳаҭра ишалҵуа.