АҞӘА, лаҵара 16 — Sputnik. Украинатәи амчрақәа Ҟрымтәи ацҳа аусура алагара рзыхгом, иҟарҵогьы шьоуроуп ҳәа ахылҳәааит МИА "Россия сегоднеи" ателеканал RT рредактор хада Маргарита Симониан.
Украина ашәарҭадаратә маҵзура аусзуҩцәа РИА Новости Украина аофис рақәлареи ажурналист Кирилл Вышенскии иаанкылареи ахҳәаа рыҭо. Иара убасгьы лара иазгәалҭеит РИА Новости Украина МИА "Россия сегодня" амаҵзура иаинформациатә партниорны шакәу ишыҟоу. Урҭ амаҵзурақәа аиуристтә еизыҟазаашьа рымаӡам ҳәа. Абри атәы аанацҳауеит РИА Новости.
"Сара сполитикым. Исыздырам Урыстәыла ҭакс иҟанаҵараны иҟоу, аха агәыӷра ду сымоуп иҟоу аус гәыгәҭажьра аиурым ҳәа", — ралҳәеит Симониан ажурналистцәа. Аофис мчыла иҩналеит, ҳусзуҩцәа рыҽҳамардом, асаит аус ауам, аҭелқәа ракәзаргьы аҭак ҟарҵом".
Аҩашаҽны Украина ашәарҭадаратә маҵзура аусзуҩцәа РИА Новости Украина аофис иақәлеит. Уинахыс ажурналистцәа рыҽрымадара ҟамлацт. Ашьыжь даанкылан амаҵзура ажурналист Кирилл Вышински.
Украинатәи амчрақәа изныкымкәа урыстәылатәи ажурналистцәа русура аԥынгылақәа азырухьан, атәыла алалара азинҟамҵарагьы абрахь иналаҵаны.
Киев, РИА Новости зҵазкуа амедиагәыԥ "Россия сегодня" ажурналистцәагьы изныкымкәа акыдцалара арҭахьеит. Убас, 2017 шықәса рзы РИА Новости ажурналист Захар Виноградови МИА "Россия сегодня" афотокорреспондент Рамиль Ситдикови Евровидение афинал ахь аккредитациа шрымазгьы рнеира азин ҟанамҵеит.
2015 шықәса хәажәкырамзазы Киев, урыстәылатәи АИХқәа 115 русураз аккредитациа мап ацәнакит.