АҞӘА, лаҵара 17 – Sputnik. Удмуртиатәи аиланхарҭаҳабла аҟынтәи ҩ-нызқьҩык рҟынӡа ауаа ықәгоуп. Ара игылаз арратә арсенал аҟны аџьаԥҳаны аԥжәара ҟалеит ҳәа аанацҳауеит РИА Новости.
Уаанӡатәи адыррақәа рыла аԥжәара ҟалеит арсенал ааигәа-сигәа аҳаскьын амцакра иахҟьаны.
Афедералтә автомҩа М-7 "Волга" аҟны Пурга инаркны Ижевск аҟынӡа амашьынақәа рныҟәара аанкылоуп.
Асеиԥш ахҭыс иара абри аҭыԥ аҿы иҟалахьан быжьшықәса раԥхьагьы.
Усҟан, амцарцәараан аррамаҵзурауаҩ дҭахеит, шәҩык рҟынӡа амедицинатә цхыраара рыҭан.