АҞӘА, рашәара 5 — Sputnik. Урыстәыла Аԥыза-министр ихаҭыԥуаҩ Витали Мутко Урыстәылеи Аԥсни, Урыстәылеи Аахыҵ Уаԥстәылеи рыбжьара асоциал-економикатә усеицуразы аиҳабырабжьаратә комиссиа урыстәылатәи ахәҭа ахантәаҩыс дҟаҵоуп. Абри азы Аусԥҟа инапы аҵаиҩит Урыстәыла Аԥыза-министр Дмитри Медведев, ҳәа аанацҳауеит РИА Новости.
"Урыстәыла Аԥыза-министр ихаҭыԥуаҩ Витали Мутко Урыстәылеи Аԥсни, Урыстәылеи Аахыҵ Уаԥстәылеи рыбжьара асоциал-економикатә усеицуразы аиҳабырабжьаратә комиссиа урыстәылатәи ахәҭа ахантәаҩыс дҟаҵазааит. Абри аан абри анапынҵаҟынтәи ихы дақәиҭтәызааит Александр Хлопонин" ҳәа аҳәоит адокумент атекст.
Урыстәыла Аԥыза-министр ихаҭыԥуаҩс Витали Мутко дшьақәырӷәӷәоуп Урыстәыла Ахада Владимир Путин Урыстәыла Аиҳабыра реилазаара анышьақәирӷәӷәа ашьҭахь, лаҵарамзазы.