АҞӘА, рашәара 27— Sputnik. Амассатә-информациатә хархәагақәа рдыррақәа рыла, Аргентинеи Нигериеи рыхәмарра ашьҭахь Марадона ахәышәтәырҭа дҭашәеит. 1986 шықәсазтәи ашьапылампыл азы адунеи ачемпион Диего Марадона урҭ адыррақәа аԥхьирҟәҟәааит.
Убри аԥхьа Санкт-Петербург ақалақь аҿы Аргентина- Нигериа рыхәмарра 2:1 ҳәа ихыркәшахеит. Актәи ампыл амба иҭаиршәит Лионель Месси (14-тәи аминуҭ), уи ишьҭахь – Маркос Рохо (87-тәи аминуҭ). Нигериаа рҿы иҽаликааит Виктор Мозес (51-тәи аминуҭ).
Instagram аҿы ашьапылампыласыҩ ду Марадона х-бызшәак рыла иҩит игәабзиара кьыс шамам.
"Ахәмарра амҩаԥысраан сыхәдаџьал сыхьит. Аҳақьым аҩныҟа сцарц сабжьигеит", — ҳәа иҩит иара.
Аргентинаа афинал 1/8 ахәҭаҿы афранцызцәа ирыцыхәмаруеит.
Ахәмарра мҩаԥысуеит рашәара 30 рзы Казань.