АҞӘА, рашәара 29— Sputnik. Асаммит аҿы 12 сааҭ инарзынаԥшуа иалацәажәон амиграциа иазку азҵаарақәа ҳәа аанацҳауеит РИА Новости.
Ирыдыркылаз адокумент иазыԥхьагәанаҭоит Евроеидгыла аҵакыра илегалымкәа алалара аԥкра, атрафик аиҿкааҩцәа ирҿагыланы ақәԥара, ахылаԥшра ззухо ацентрқәа раԥҵара, Ҭырқәтәылантәи Европаҟа инеиуа амигрантцәа рырхынҳәра у.у.е.
2016 шықәса рзы Евроеидгылеи Анкареи еилацәажәаны иеицаԥырҵеит амиграциатә кризис иаҿагыло аплан. Иара инақәыршәаны Европа Ҭырқәтәыла афинанстә цхыраара анаҭоит ахҵәацәа ахьаднакыло азы, Ҭырқәтәыла аҵакыра аҟынтәи Бырзентәылаҟа инеиуа амигрантцәа архынҳәуеит, Ҭырқәтәылантәи уахь инеиуа шьамтәылауаа-мигрантцәа аднакылоит.
Адокумент аҿы иазгәарҭеит Евроеидгыла Ҭырқәтәыла иҟоу ахҵәацәа рзы аҩбатәи атранш нанашьҭуеит ҳәа.
Аҩбатәи адунеизегьтәи аибашьра ашьҭахь раԥхьаӡа акәны Европа иаиуит амиграциа иадҳәалоу апроблема дуқәа. Амиграциатә кризис шьаҭаны иамоуп Африкеи Мрагылара Ааигәеи рҟны бџьаршьҭыхлатәи аимакқәа, аекономикатә ҭагылазаашьа ԥсыҽқәа.