АҞӘА, ԥхынгәы 10— Sputnik. Уаанӡатәи Британиа агәабзиарахьчара аминистр Джереми Хант адәныҟатәи аусқәа рминистр Борис Джонсон ицынхәрас дҟаҵоуп. Борис Джонсон ԥхьатәара дцеит Brexit аганахь ала аимак-аиҿак ирхырҟьаны ҳәа аанацҳауеит РИА Новости.
Джонсон "Brexit" хышәа-ҵышәа ҭбаала амҩаԥгара дадгылаҩын. Иара игәаанагарала Лондон Бриуссель аганахь ала ахы ԥсыҽны имҩаԥнагоит.
Агәабзиарахьчара аминистр ҿыцс дҟаҵоуп Метт Хенкок.
Джереми Ханту 51 шықәса ихыҵуеит. Иара Тереза Меи илҳәо дадгылаҩуп.