АҞӘА, ԥхынгәы 16 — Sputnik. Америкатәи ажурнал Rolling Stone акинокритикцәа XXI ашәышықәсазы иреиӷьу акомедиақәа 50 алыркааит. Асиа кнаҳауп аҭыжьымҭа асаит аҿы.
Ареитинг аҿы аԥхьа игылоуп 2000 шықәса рзы иҭыҵыз "Победители шоу".
Аҩбатәи аҭыԥ ааннакылеит акинолента "Петля". Иара ахәаԥшыҩцәа ирызцәырган 2009 шықәса рзы. Ахԥатәи аҭыԥ ааннакылеит 2011 шықәсазы иҭыҵыз акомедиа "Девичник в Вегасе".
Ареитинг аԥхьатәи ажәабахь иаҵанакит акиносахьақәа: "Сводные братья" (2008), "Идиократия" (2006), "Любовь, сбивающая с ног" (2002), "Тони Эрдманн" (2016), "Зомби по имени Шон" (2004), "Сорокалетний девственник" (2005) и "Жизнь за кадром" (2000).