АҞӘА, ԥхынгәы 30 — Sputnik. Шәача ақалақь Адлер араион аҿы амцакра иахҟьаны Ермантәылантәи ԥсшьара ҳәа иааз назлаз ааҩык ҭахеит, хҩык аахақәа роуит. Аҭыԥ аҟны аус руеит 60-ҩык амцарцәаҩцәеи 19 техникатә хархәагеи ҳәа аанацҳауеит РИА Новости.
Шәача ақалақь Адлер араион аусҭҵааратә ҟәша аусура хацнаркит.
"Акаҳуажәырҭа иаҿаԥшьыз х-еихагылак иҟаз аметаллтә конструкциа иалхыз анхарҭа амца акит. Амца ахы ыҵнахит акаҳуажәырҭаҿ, нас уахь ииасит", — ҳәа аҳәоит адырраҭараҿы.
Ахыбра аргылара иалгам. Иҭахаз акаҳуажәырҭа аусуҩцәеи Ермантәылантәи аԥшәма иҭааз асасцәеи роуп ҳәа ауп адыррақәа шыҟоу.
Уаанӡа Ермантәыла АҶА ишьақәнарӷәӷәеит ареспублика атәылауаҩык дышҭахаз абри амцакраан.