АҞӘА, нанҳәа 3 — Sputnik. Еиду Америкатә Штатқәа рсенат аҿы иалацәажәеит Урыстәыла иаҿагыло асанкциақәа рзы азакәан апроект ҿыц. Абри атәы аанацҳауеит РИА Новости.
Адокумент апроект аҿы иазыԥхьагәаҭоуп урыстәылатәи аҳәынҭқарратә уалгьы. Аҳәынҭқарратә уал шьақәгылоит афедералтә ԥсахра аоблигациақәа рҭыжьрала.
Асанкциақәа алагалахар, арҭ аоблигациақәа ЕАШ рыҭира ҟалаӡом. Уи аинвесторцәа ринтересқәа ланарҟәуеит.
Уи адагьы урыстәылатәи аполитикцәеи абизнесуааи аҵанакуеит адокумент.
"Уажәазы иҟоу асанкциақәа ирылымшеит Урыстәыла 2018 шықәсазтәи алхрақәа ирыламхәуа аҟаҵара. Ҳара иаҳхықәкуп статус-кво амҩаԥгареи Путин и-Урыстәыла асанкциақәа ралагалареи", — иҳәеит азакәан апроект авторцәа руаӡәк, асенатор Линдси Грем.
Иахьазы иҟоу аҭагылазаашьа Владимир Путин ихароуп ҳәа иԥхьаӡоит асенатор.