АҞӘА, нанҳәа 6 — Sputnik. Змагнитуда 6,6 балл иҟаз адгьылҵысра ҟалеит амҽышаҽны Индонезиа адгьылбжьахақәа руак аҿы, 49 километр ақалақь Матарам инацәхыкны. Атуристцәа зҭаара бзиа ирбо адгьылбжьаха Бали аҿгьы адгьылҵысра рнырит. Адгьылҵысра иахҟьаны иҭахеит 91-ҩык, ахәрақәеи аахақәеи роуит 200-ҩык ҳәа аанацҳауеит РИА Новости.
Зықьҩыла ауаа рынхарҭақәа ирхыганы иахьшәарҭадароу аҭыԥқәа рахь ииагоуп. Ирацәоуп ааха зауз ахыбрақәа.