АҞӘА, нанҳәа 16— Sputnik. Аҵыхәтәантәи шәымш рыла имҩаԥгоу агәаҭарақәа Ермантәыла аҳәынҭбиуџьет 8-9 рыла аԥара еиҳаны иазааргеит. Абри атәы ажурналистцәа ирзеиҭеиҳәеит атәыла аиҳабыра реилатәара ашьҭахь атәыла ашәарҭадаратә маҵзура аиҳабы Артур Ванециан, ҳәа аанацҳауеит Sputnik Ермантәыла.
Амилаҭтә шәарҭадаратә маҵзура аусура еснагь аҟазара ацуп. Ихадоу — аиҳабыра рполитикатә лшароуп, уи уажәы акыр еиҭакуп иҳәеит иара.
Аҳәынҭқарратә ныхрақәа реилак ахада Давид Ананиан аҳәамҭа ҟаиҵеит 2018 шықәса рзы ашәахтәқәеи абаџьқәеи 107 миллиард драм (220 миллион доллар) рыла 2017-шықәса аасҭа еиҳаны ралхра азыԥхьагәаҭан.
Ари арбага иахьазы инагӡоуп, ашықәс ҳҭалеижьҭеи бжьымз шракәугьы иҵуа иҳәеит иара.
2018 шықәса рзы иазыԥхьагәаҭаз ашәахтә цҵақәа бжьымзытәи аусурала еизгоуп.