АҞӘА, нанҳәа 23— Sputnik. Америка китаитәи атауарқәа рзы абаџьқәа 25% рыла иахьышьҭнахыз Китаи агәҭынчымра цәырнагеит, ВТО ахь Вашингтон иазашшуа аҟынӡа. Абри атәы аанацҳауеит РИА Новости КЖәР ахәаахәҭра аминистрра адыррақәа шьаҭас иганы.
"Ахы иақәиҭны ахәаахәҭрази аинтересқәа рыхьчарази китаитәи аган адунеитә хәаахәҭратә еилазаара ВТО ахь иашшит", — ҳәа аҳәоит адырраҭараҿы.
Пекин агәаанагарала, Вашингтон аӡбра ВТО апринципқәа еилазго акакәны иҟоуп.
Еиду аштатқәа иаларгалаз абаџь аҭакс Китаигьы иара убасҵәҟьа америкатәи атауарқәа рганахь ала абаџьқәа аланагалеит.