АҞӘА, нанҳәа 23 — Sputnik. МОК апрезидент Томас Бах аҳәамҭа ҟаиҵеит аиҿкаара кореиатәи Пхенчхан аҿы аолимпиада амҩаԥгара аанкылара иазыхиан ҳәа, усҟантәи аамҭазы Аладатәи Кореиеи КНДР-и рыбжьара иҟалаз аибарххара иахҭынҟьны ҳәа аанацҳауеит РИА Новости.
Франциа, Австриа, Германиа аспорт аганахь ала рчынуаа аспортсменцәа ршәарҭадара агәҭынчымра ду рнаҭон.
Ус шакәызгьы иарбанызаалак тәылак аолимпиада аҽалархәра мап ацәнамкит. Адипломатиа аусура ду иалнаршеит аолимпиада аҩада кореиатәи аспортсменцәагьы ралахәра.
Пхенчхан аолимпиада мҩаԥысит жәабран 9 — 25 2018 шықәса рзы.
Урыстәылатәи аспортсменцәа "Урыстәылатәи аолимпиатә атлетцәа" рыстатус рыманы, аолимпиада абираҟ иаҵагыланы иқәгылеит. Ахьтәы медалқәа ҩба, аразны медалқәа фба, аџьаз иалху амедалқәа жәба аҩныҟа иааргеит.
Изаамҭанытәиу аӡынтәи аолимпиада мҩаԥысраны иҟоуп 2022 шықәса рзы, Пекин.