АҞӘА, нанҳәа 30— Sputnik. Иԥсҭазаара далҵит СССР жәлар рартист, Аҳәынҭқарратә дума адепутат Иосиф Кобзон. Иосиф Кобзон анышә дамардоит Москва, Востриаковтәи аԥсыжырҭаҿы, цәыббра 2 рзы, иан лывараҿы ҳәа аанацҳауеит РИА Новости.
"Амҽышаҽны Иосиф Кобзон анышә дамардоит Москва, Востриаковтәи аԥсыжырҭаҿы, цәыббра 2 рзы, иан лывараҿы", — иҳәеит аҳҭнықалақь ахәаахәҭреи амаҵзурақәеи Рдепартамент аиҳабы Алексеи Немериук.
Иосиф Давид-иԥа Кобзон диит цәыббра 11 1937 шықәса рзы ақалақь Часов Иар аҿы (Донецктәи аобласт, Украина).
1997 шықәса раахыс Иосиф Кобзон Урыстәыла Аҳәынҭқарратә дума адепутатс дыҟан.
Иосиф Кобзон ианашьоуп СССР жәлар рартист ҳәа ахьӡ ҳарак (1987), СССР аҳәынҭқарратә премиа далауреатуп (1984), Ленинтәи акомҿареидгыла апремиа ианашьоуп (1976).
2016 шықәса рзы Урыстәылатәи Афедерациа Аџьа Афырхаҵа ҳәа ахьӡ ихҵоуп.