АҞӘА, цәыббра 3 — Sputnik. Донецктәи Жәлар рреспублика аоперативтә напхгараҭара аофициалтә хаҭарнак Едуард Басурин аҳәамҭа ҟаиҵеит украинатәи амчрақәа Донбасс ақәлара рҽазыҟарҵоит ҳәа. Абри атәы аанацҳауеит РИА Новости.
"Ҳзанааҭуаа имҩаԥыргоит аокуппациатә мчрақәа рштаб аиҳабы Залужныи иусԥҟа анализ. Иара асоциалтә ҳақәа рыла ирыларҵәоуп. Адокумент иашаҵәҟьоуп ҳәа ишьақәырӷәӷәоуп", — ҳәа еиҭеиҳәоит Басурин.
Басурин иазгәеиҭоит асеиԥш иҟоу адыррақәа украинатәи арежим агәҭакқәа шаадырԥшуа. Иара иажәақәа рыла мариупольтәи ахырхарҭаҿы ар рҽеизгара иаҿуп.
"Ҳхыҵхырҭақәа рдыррала 128 ашьха-пехотатә бригада аҽазыҟаҵара ҳарак ахь ииагоуп ҳәа. Урҭ џьаԥҳанылеи абџьарлеи реибыҭара иаҿуп", — иҳәеит иара.
Уаанӡа Басурин аҳәамҭа ҟаиҵахьан ареспублика Ахада Александр Захарченко иҭархара ашьҭахь украинатәи амчрақәа Донбасс иажәлар ҟалоит ҳәа цәыббра 14 рзы.