АҞӘА, цәыббра 5 — Sputnik. Дональд Трамп, ҵыԥх Шьамтәылатәи арра мчқәа имҩаԥыргаз ахимиатә жәылара ҳәа иршьо жәылараан Пентагон аиҳабы идиҵеит апрезидент Башар Асад иҭархара ҳәа аҩуеит агазеҭ Washington Post Боб Вудворд ишәҟәы "Страх" ҵаҵӷәыс иганы.
Вудворд ишиҩуа ала апровинциа Идлиб аҿы абри ахҭыс аныҟала, Трамп Меттис аҭел дизасны "адиктатор илгатәуп, дышьтәуп, зегь шьтәуп" ҳәа адҵа ҟаиҵеит. Усҟан иара адиктатор ҳәа ззиҳәоз Асад иоуп.
Аха Меттис уи адҵа анагӡара ацынхәрас ицхырааҩ хада аҽа дҵак ииҭеит.
"Иҟаҳҵо шәатәуп-изатәуп", — ҳәа иҳәеит абри аҭакс Меттис.
2017 шықәса мшаԥымзазы апровинциа Идлиб ақалақь Хан-Шеихун имҩаԥгаз ахимиатә жәылара иахҟьаны иҭахеит 80-ҩык, ахәрақәа роуит 200-ҩык. Абри азы ахара рыдҵан Шьамтәыла анапхгаратә ар.