АҞӘА, цәыббра 11— Sputnik. Италиа Аԥыза-министр ихаҭыԥуаҩ Маттео Сальвини Урыстәыла иадҟаҵало асанкциақәа хшыҩдоуп ҳәа иԥхьаӡоит ҳәа аанацҳауеит РИА Новости.
"Европарламент ахь 2019 шықәса лаҵарамзазы иҟалараны иҟоу алхрақәа ирыхҟьаны аиҭакрақәа ҟалар алшоит, Европа амчрақәагьы рҽҽеиҭаркыр ауеит", — иҳәеит иара.
Убри аан иазгәеиҭеит Урыстәыла иадҟаҵало асанкциақәа иарбанызаалак аекономикатә, аполитикатә, асоциалтә ма акультуратә ҵакы рыманы иҟам ҳәа.
Сальвини арҭ асанкциақәа акритика рзиулоит аамҭа-аамҭала.
Убас, ԥхынгәымзазы иара алаҳәара ҟаиҵеит Италиа асанкциақәа раԥыхра иадгылаҩуп ҳәа.
Уаанӡа Ҟрым астатус алацәажәара дшазыхио азгәеиҭахьан.
Иара игәаанагарла Урыстәылеи Италиеи еипартниору тәылақәазароуп, аимабзиара апринцип иқәныҟәалароуп.