Урыстәылатәи аруаа рхы иадырхәоит "иузгәамҭо-аракетақәа"

Урыстәыла мҽхакыҭбаалатәи аҽазыҟаҵарақәа мҩаԥнагоит Мрагылара хара иахьаҵанакуа аҭыԥқәа рҟны. Аҽазыҟаҵарақәа мҩаԥысуеит цәыббра 11 — 17 рзы, Атәылахьчара аминистр Сергеи Шоигу инапхгарала.
Sputnik

АҞӘА, цәыббра 14 — Sputnik. Урыстәылатәи аруаа рхы иадырхәоит "иузгәамҭо-аракетақәа". Абри атәы аанацҳауеит РИА Новости Аҳауаҿагыларатә хьчара 76-тәи адивизиа аиҳабы, аполковник Сергеи Тихонов ажәақәа шьаҭас иганы.

Аракетақәа рхы иадырхәеит Буриатиатәи аполигон "Телемба" аҿы.

Урыстәыла мҽхакыҭбаалатәи аҽазыҟаҵарақәа мҩаԥнагоит

Тихонов иажәақәа рыла урыстәылатәи ашьақәгылақәа ирылшеит аракетақәа зегьы "рҭархара". Абри аан ахархәара рыҭан иаабац аҽазыҟаҵаратә ракетақәа ракәымкәа амҵәыжәҩа змоу аракетақәа рықәҭыхқәа иашақәаҵәҟьа.

Аҽазыҟаҵарақәа ирылахәхоит 300 нызқьҩык рҟынӡа аррамаҵзурауаа. Арахь иаҵанакуеит афлот, аҳауа-десанттә ар, арра-ҳаиртә ар, зқьы инареиҳаны аҳаирпланқәа, аверталиотқәа, 36 нызқь рҟынӡа акәылӡтәы машьынақәа, 80 инареиҳаны еиуеиԥшым ӷба.

Уи адагьы аҽазыҟаҵарақәа ирыдрыԥхьалоит Китаии Монголиеи рыррамаҵзурауаа.

"Восток-2018" ҩ-етапкны еихшоуп. Аҽазыҟаҵарақәа мҩаԥысуеит цәыббра 11 — 17 рзы, Атәылахьчара аминистр Сергеи Шоигу инапхгарала.