АҞӘА, жьҭаара 10— Sputnik. Урыстәылатәи ашьапылампылтә Еидгыла арегламент ахәҭаҷ 10 инақәыршәаны петербургтәи "Зенит" ажәылаҩ Александр Кокорини "Краснодар" ахьчаҩбжа Павел Мамаеви ԥхьаҟазы ашьапылампыл асреи астадионқәа рҭаареи азин рымнахыр алшоит ҳәа аанацҳауеит Р-Спорт.
Жьҭаара ааба рзы иҟалеит адырра петербургтәи "Зенит" ажәылаҩ Александр Кокорини "Краснодар" ахьчаҩбжа Павел Мамаеви аҳҭнықалақь акаҳуажәырҭақәа руак аҿы ауаҩы дрыпҟеит ҳәа. Ирыпҟаз ауаҩы – Урыстәыла ахәаахәҭреи ааглыхреи рминистрра аусзуҩ Денис Пак, ахәшәтәырҭахь днаган.
АИХ рахь ицәырҵит аинформациа ҿыц: Кокорини Мамаеви асасааирҭа "Пекин" аҿаԥхьа иҟоу амашьынаргыларҭаҿы ауаҩы дрыпҟахьан ҳәа.
Аусҭҵаара иаҿуп азинхьчаратә органқәа.