АҞӘА, жьҭаара 16 — Sputnik. 2018 шықәса рзы ЕАШ абиуџьет 17 процент ихалеит 779 миллиард доллар рҟынӡа ҳәа аанацҳауеит РИА Новости ЕАШ афинансқәа рминистр Стивен Мнучин иҳасабырба шьаҭас иҟаҵаны.
Аҳасабырбаҿы иазгәаҭоуп иахьатәи америкатәи администрациа аекономикатә политика ақәҿиарақәа. Аиҳаракгьы арахь иаҵанакуеит аусурҭа ҭыԥқәа, ауааԥсыра рхашәала ашьҭыҵра.
Ус шакәугьы ЕАШ ахарџьқәа 127 миллиард рҟынӡа наӡоит, ахашәала –14 миллиард. Атәылахьчаразы иныхуп 664,7 миллиард доллар.
Аҳәынҭқарратә уал акәзар 1,2 триллион доллар ацлеит, иахьазы иара 21,5 триллион доллар ыҟоуп.