АҞӘА, жьҭаара 24— Sputnik. Акапан маҷ аҟны аиқәԥаратә чемпионат UFC алахәыла Хабиб Нурмагомедов иҭахуп америкатәи абоксер Флоид Меиуезер-аиҵби иареи реиндаҭлара московатәи астадион "Лужники" аҿы иддырбар ҳәа аанацҳауеит Sputnik Узбекистан.
Instagram аҿтәи идаҟьаҿы аспортсмен еиҭеиҳәеит "Лужники" аҿы 100 000-ҩык ахәаԥшыҩцәа дшырзыԥшуи зыхә ршәо атранслиациақәа рыҭиразы адунеитә рекорд шьақәиргылап ҳәа дышгәыӷуеи ртәы.
"Иахьа ҳаиԥылеит Урыстәыла абокс азы Афедерациа амаӡаныҟәгаҩ хада Умар Кремлиови сареи. Меиуезер-аиҵби сареи ҳаиндаҭлара ҳалацәажәеит. Иаҳҭахуп аиндаҭлара Москватәи "Лужники" аҿы имҩаԥысырц. Агәра згоит "Лужники" аҿы 100 000-ҩык ахәаԥшыҩцәа сзеизап ҳәа уи адагьы зыхә ршәо арбарақәа рыҭиразы адунеитә рекорд шьақәсыргылап ҳәа. Зегь раасҭа ихадароу аиндаҭлараҿы саби сазыҟаҵаҩи ахьыҟало ауп", — ҳәа иҩуеит аспортсмен.
Жьҭаара фба рзы Хабиб Нурмагомедов Конор Макгрегор дииааиит реиндаҭлараан. Ақәԥара ашьҭахь аринг анҭыҵ массала аисра ҟалеит.
Уаанӡа еиндаҭлоз Хабиб Нурмагомедови Конор Макгрегори ракәзаргьы аисра иалахәхеит.
Убри иахырҟьаны Хабиб Нурмагомедов ахараԥса иқәырҵеит. Ахараԥса иартәоит 250 000 доллар.