АҞӘА, жьҭаара 30 — Sputnik. Урыстәыла ахаҭарнакс ООН иҟоу Владимир Сафронков аҳәамҭа ҟаиҵеит Идлиб ааигәара ишазгәаҭаз "Ан-Нусреи" "Акаска шкәакәақәеи" реибашьцәа рынеиҭаҵ-ааиҭаҵрақәа. Абри атәы аанацҳауеит РИА Новости.
"Идлиб иҟоу абандиттә еиҿкаарақәа аиқәшаҳаҭра аилагара иаҟәыҵуам, ааигәа-сигәа иҟоу анхарҭа ҭыԥқәа ирылахысуеит", — иҳәоит адипломат.
Сафронков иҳәеит асеиԥш апровокациақәа ирҟәамҵыр, Урыстәыла атеррористцәа раԥыхразы Шьамтәыла адгылара шанаҭо.
"Адеискалациаз аиқәшаҳаҭра аԥхьа аамҭалатәи аҟазшьа аман. Иара убасгьы хықәкны иаман атеррористцәа рыҟазаара аԥыхра хыдҵаны ишамоу", — иҳәеит иара.