АҞӘА, жьҭаара 31 — Sputnik. Адунеи аҟны зегь раасҭа иҳараку абаҟа – Акзаара абаҟа– аадыртит Индиа, адгьылбжьаха Садху Бет аҿы ҳәа аанацҳауеит РИА Новости.
Абаҟа аԥҵаҩцәа ахаҳә иаларсеит амилаҭтә қәԥара аԥхьагыла Махатма Ганди ихаҿсахьа. Иара иоуп ажәытщ зны еиҟәшаз атәыла аидкылара зылзыршаз.
Архитектор хада — индиатәи аскульптор Рам Ванджи Сутар.
Абаҟа ахьгылоу аҭыԥи иареи рҵакыра иартәоит 20 000 метр ԥшьыркца. Иаакәыршаны анапылаҟаҵара ӡҭарчы ыҟоуп. Уи ахышәа-ҵышәа иартәоит 12 000 метр ԥшьыркца.
Абаҟа аргылара напаркын жьҭаара 31, 2013 шықәса рзы. Аус адырулон 250-ҩык анџьнырцәеи 3400-ҩык аусуҩцәеи. Ахәԥса иартәеит 430 миллион доллар.