АҞӘА, абҵара 1 – Sputnik. Херсонтәи ақалақьтә ӡбарҭа апортал РИА Новости Украина анапхгаҩы Кирилл Вышински иаанкылара аҿҳәара иацнаҵеит ԥхынҷкәын 28 рҟынӡа, ҳәа аанацҳауеит РИА Новости.
"Вышински иаанкылара аҿҳәара иацҵоуп ԥхынҷкәын 28 рҟынӡа", — иҳәеит идукат Андреи Домански.
Вышински иаанкылара уаанӡатәи аҿҳәара нҵәоит абҵара 4 рзынӡа. Вышински даанкылан Киев, лаҵара 15 2018 шықәса рзы. Ажурналcит аҳәынҭқарра аԥсахра мҩаԥигоит ҳәа ахара идырҵоит. Абри ахәҭаҷ ала иазыԥхьагәаҭоуп 15 шықәса рҟынӡа ҭакрала ахгара.
Херсонтәи ақалақьтә ӡбарҭа лаҵара 17 рзы Вышински даанкылатәуп ҳәа аӡбара аднакылеит. Аӡбарҭа аилатәараан Вышински Урыстәыла ахада иахь ацхыраара даҳәеит. Иара убасгьы аҳәамҭа ҟаиҵеит Украина атәылауаҩра мап шацәикуазы.
Владимир Путин аҭагылазаашьа зеиԥш ҟамлац ауп ҳәа ахиҳәааит.
Москва Киев аҿагыларатә нота азынанашьҭит, апресса ахаҭарнакцәа рықәымчра иаҟәыҵырц.