Багаҭелиа аицлабра "Иреиӷьу аԥсшьараамҭа" иазкны: азҿлымҳара бзиа амоуп
© Sputnik
"Ҳара иҳамоуп ҳхатә саит: аԥҟаррақәа зегьы ануп, уа иҟоуп аинформациа зегьы. Аха ҳара ҳахь ԥсшьара ҳәа иаауа рхыԥхьаӡараҿы иҟоуп зықәрахь инеихьоу ауаагьы, урҭ зегьы ирылшом аицлабра ахалархәра, аха ирызцәырҵуа азҵаарақәа рацәоуп, аинтересгьы рымоуп. Аицлабра аихшьаалақәа ҟаҵахоит аелектронтә системала. Аиааира згаз иоуеит алшара ҳапсшьараҭа ҩнаҿы иаамҭа ихыигартә еиԥш, амала уахь иалаӡам амҩақьира ахәԥса. Абарҭ асоциалтә даҟьақәа рҿы имҩаԥааго аицлабрақәа рыла иаҳҭахуп ауаа Аԥсны иазҿлымҳахарц, иаднапҳьаларц", -ҳәа азгәеиҭеит Багаҭелиа.