АҞӘА, абҵара 16 – Sputnik. Уаанӡа иӡит ҳәа ишьаз Уолт Диснеи мультфильм "Neck'n'Neck", Ажьа Освальд иазку рыԥшааит иапониатәи апрефектура Осака аҿы ҳәа аанацҳауеит РИА Новости.
Аколлекционер Иасуши Ватанабе ашкол аамҭақәа рзы иааихәаз, ҩ-минуҭк ирыбжьаку алента, Ажьа Освальд иазку Уолт Диснеи имультфильм ахәҭақәа ишреиуаз машәыршәоуп ишеиликааз. Ажьа Освальд Микки Маус ипротатипны иҟан.
"Акыршықәса Диснеи ирҿиара фанатны сахьазыҟоу инамаданы агәахәара ду снаҭоит сроль анагӡара ахьалыршахаз", - иҳәеит Иасуши Ватанабе.
Уолт Диснеи Ажьа Освальд ихәыцит 1927 шықәса рзы. Аха уи азын азинқәа аницәыӡ амультипликатор Микки Маус аԥиҵеит.
Абҵара 18 рзы иҵит 90 шықәса Микки Маус аекранқәа рахь ицәырҵижьҭеи.