АҞӘА, абҵара 20 – Sputnik. Владимиртәи аобласт аҟынтәи автобус Москва иблит. Амҩатә машәыр ахьыҟалаз аҭыԥ аҿы атранспорт аныҟәара аанкылоуп. Ааха зауз рзы аинформациа ашьақәырӷәӷәара иаҿуп. Абри атәы аанацҳауеит РИА Новости.
"Боровское шоссе аҩны №8 ааигәара амца акны иблит Владимиртәи аобласт аҟынтәи автобус", - ҳәа аҳәоит адырраҭараҿы.
Амҩатә машәыр ахьыҟалаз аҭыԥ аҿы атранспорт аныҟәара аанкылоуп. Ааха зауз рзы аинформациа ашьақәырӷәӷәара иаҿуп ҳәа азгәеиҭоит арегион АҶА ахаҭарнак.
Аамҭақәак рышьҭахь иҟалаз адыррала автобус амца анакуаз ауаа ҭамызт.
"Автобус ҭацәын. Амцакра иахҟьаны аӡәгьы ԥырхага имоуит", - ҳәа аанацҳауеит аусбарҭа асаит.