Сақаниа: арежиссиори актиори анеимадоу ахәаԥшҩы игәаԥхо аусумҭа ҟалоит
© Sputnik
"Насыԥ змоу уаҩны схы сыԥхьаӡоит, сыхшара рыла сгәы дууп. 85 шықәса схыҵит исыбаргәызеи. Атеатр аҿы Сергеи Сақаниа дыхәмаруама ҳәа ианҵаауаз сгәалашәоит, усгьы аамҭақәа ыҟан. Инасыгӡоз арольқәа зегьы сгәаԥхоит. Арежиссиори актиори аимадара рыбжьазароуп ҳәа сгәы иаанагоит, усҟан ауп ауаа иргәаԥхо аусумҭа аныҟало", - ҳәа азгәеиҭеит Сақаниа.
Ҩынҩажәа шықәса инарзынаԥшуа актиортә ҟазара зыԥсҭазаара адызҳәалаз, Сергеи Сақаниа инаигӡеит хыԥхьаӡара рацәала арольқәа ақәыргыламҭақәеи акиносахьақәеи рҿы. Иара убасгьы Сергеи Сақаниа деицеидыруеит асатиратә миниатиурақәа ртеатр "Чарирама" аҿы инаигӡоз ахаҿсахьақәа рыла.
Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.