АҞӘА, ажьырныҳәа 18— Sputnik. Аҳаирпланқәа Су-34 ҩба аҳауаҿы еинҟьеит ҳәа аанацҳауеит Урыстәыла атәылахьчара аминистрра аинформациеи амассатә коммуникациақәеи рзы Адепартамент.
"Ажьырныҳәа 18 8:07 аплантә аҵара-ҽазыҟаҵаратә ԥырраан, амшынԥшаҳәа инацәхыкны 35 километра иҟаны, Иапониатәи амшын акваториаҿы аҳауаҟны аҳаирпланқәа Су-34 еинҟьеит", - ҳәа аҳәоит Адепартамент адырраҭараҿы.
Су-34 рыҩбагь рекепажқәа рыԥырра мҩаԥыргон џьаԥҳаныда.
"Аекипаж аҳаирпланқәа аанрыжьит. аҳаирплан Ан-12 авертолетқәа ҩба Ми-8 аԥрыҩцәа рыԥшааразы ауснагӡатә иаҿуп", - ҳәа аҳәоит адырраҭараҿы.
Иҟоу агәаанагарала аҳаирпланқәа Ҭаҭартәи аӡыбжьахала иалаҳаит, Хабаровсктәи атәылаҿацәи сахалини рыбжьара.
Су-34 – аекипаж шьақәгылоуп ҩыџьа аԥрыҩцәа рыла.