АҞӘА, ажьырныҳәа 30- Sputnik. Аштат Невада Атлетикатә комиссиа (NSAC) жәымз рыҩныҵҟа Хабиб Нурмагомедов ақәгылара азин имнахит UFC ачемпионат аҟны аирландец Конор Макгрегори иареи реисра иахҟьаны. Абри атәы аанацҳауеит РИА Новости.
Макгрегор ақәгылара азин имырхит фымз ҳәа ҿҳәарас иҭаны.
Асеиԥш аӡбара рыдыркылеит NSAC аилатәараҿы. Абри аиатәара ишиашоу ицо аефир аҿы MMAFighting.com Youtube аканал ала идәықәнаҵеит.
Ақәгылара азин амхра адагьы Нурмагомедов 500 000 доллар аштраф ишәеит, Макгрегор – 50 000 доллар ишәеит.