АҞӘА, жәабран 6 — Sputnik. Агәыԥ "Джебхат ан-Нусра" алахәылацәа, атеррористцәа ахлор зҭаз аконтеинерқәа ақалақь Џьиср-аш-Шугур аҟынтәи Хан-Шеихун араион ахь аиҿкаара "Белые каски" иатәу ацхыраара ласы амашьынақәа рыла ииаргеит ҳәа адырра ҟанаҵоит РИА Новости, ауаҩытәыҩса изинқәа рзы шьамтәылатәи аҳа анапхгаҩы Ахмаҭ Қьазым иажәақәа ҵаҵӷәыс иганы.
Қьазым агәрагара имоуп ахлор аҭынч уааԥсыра рҿагыларазы ахархәара арҭоит ҳәа.
"Иҳамоу аинформациала "Акаска шкәакәақәа" ахаҭарнакцәақәак ахәышәтәырҭақәа еиқәдыршәеит афотои авидеои злаҭырхша ахархәагақәа рыла, ааха зауз ауааԥсыра рҭыхразы", - иҳәеит азинхьчаҩ.
Уаанӡа ауаҩытәыҩса изинқәа рыхьчаразы шьамтәылатәи аҳа аҳәамҭа ҟанаҵахьан ахимиатә бџьар ахамырхәаразы Аиҿкаарахь ахлор зҭаз аконтеинерқәа ақалақь Џьиср-аш-Шугур аҟынтәи Хан-Шеихун араион ахь риагара аҭҵааразы акомиссиа аԥырҵарц, уи ахлор аҭынч уааԥсыра аԥырхага рнаҭаанӡа.
Абҵара 24 рзы атеррористцәа Алеппо ахимиатә маҭәашьар ала еибыҭоу аџьаԥҳаны ала иалахысуан. Аахақәа роуит 46-ҩык ауааԥсыра.
Аҭыԥ аҿы аус руан урыстәылатәи ахимикцәа.