АҞӘА, жәабран 7 - Sputnik. Сҭамԥыл араион Малтепе, аа-еихагылак иҟаз ахыбра еилаҳаит. Абри атәы аанацҳаит РИА Новости ателеканал NTV адыррақәа ҵаҵӷәыс иҟаҵаны.
Еилабгаз ахыбра иаҵаханы иҟазар ҟалоит ауаа иҳәеит араион Картал Мемиш аквартал Джевизли аиҳабы Диликлиташ.
"Ахыбра аподвал аҿы аӡахырҭа ыҟан. Уа 25-ҩык ауаа аус руан. Аҩнаҿы 24 уада ыҟан", - иҳәеит Диликлиташ ателеканал NTV аефир аҿы.
Аҩнаҿы аихагылақәа хԥа азин ыҟамкәа иргылан ҳәа иҳәеит ақалақь агубернатор Али Ерликаиа.
"Аҩнаҿы иҭаҩын 43-ҩык ауааԥсыра. Ахыбра 1992 шықәсазы иргылан. Х-еихагылак нас иргылан. Аилабгарақәа ирыҵахар ҟалоит ҳәа ҳгәы иззаанаго рхыԥхьаӡара макьаназ алацәажәара сҭахым", - иҳәеит иара.
Агубернатор ааԥхьара ҟаиҵеит аусурақәа ирԥырхагамхарц.