АҞӘА, жәабран 7 - Sputnik. Урыстәыла иаадырԥшит арегионқәа 20 зымҽхакны иҟаз аԥара ԥаршеи аҟаҵаҩцәа. Иаанкылоуп 30-ҩык абандатә гәыԥ иалахәылацәоу ҳәа агәҩара ззыҟоу. Абри атәы аанацҳауеит РИА Новости.
"Иаанкылоуп 30-ҩык еиҿкаау ацәгьоуцәа ргәыԥ иалахәылоу. Аԥара ԥаршеи рыладырҵәараны иҟан еиҳа аҿиара змоу арегионқәа 20 рҿы", - ҳәа аҳәоит адырраҭараҿы.
Ацәгьоуратә еилазаара аҳәаанырцәынтәи русура ҳәаақәырҵон. Аполициауаа жә-шьауск хацдыркхьеит.
"Уаанӡа, 2018 шықәса жьҭаарамзазы Даӷьсҭантәи ареспубликаҿы аԥара ԥаршеи аҟаҵаҩцәа ргәыԥ ааныркылахьан, иахьыҟарҵоз аҭыԥи рмыругақәеи дырбаандаҩхьан", - ҳәа аҳәоит адырраҭараҿы.
Уажәы иаанкылоу ахаҿқәа егьырҭ ацәгьоурақәа, аиҳаракгьы афинанстә терроризм, иалахәу иалахәыму шьақәдыргылоит.