Ақыҭанхамҩа аминистрра апты аҿагыларазы быжь-миллионк ршәара иазыхиоуп

Ареспублика араионтә хадарақәа еиҿыркаараны иҟоуп амармалташь-пты ахьрыдыркыло аҭыԥқәа, убри аганахь ала ауааԥсыра адыррагьы рырҭароуп.
Sputnik

АҞӘА, жәабран 28 - Sputnik. Аԥсны аԥыза-министр Валери Бганба инапы аҵаиҩит ақыҭанхамҩа аԥырхага азҭо амармалташь пты иаҿагыланы ауснагӡатәқәа рымҩаԥгаразы аусшәҟәы. Абри атәы аанацҳауеит ареспублика Аминистрцәа Реилазаара аофициалтә саит.

Шәачаа Аԥсны амармалташь пты ишаҿагыло ргәаԥхоит

Аусшәҟәы инақәыршәаны ақыҭанхамҩа анапы ианҵоуп аусутә гәыԥ аиҿкаареи ауааԥсыра аԥара рызшәара азҵаареи.

Уи адагьы ишьақәыргылоуп кьылак амармалташь пты ахәԥса зықь мааҭ ақәҵазарц. Абри азы Ақыҭанхамҩа аминистрра 2019 шықәсазтәи абиуџьет иалаҵоуп быжь-миллионк мааҭ.

Атәыла амассатә-информациатә хархәагақәа рнапы ианҵоуп ауааԥсыра ирыладырҵәарц ари ажәабжь. Ауснагӡатә ахылаԥшра адуп ареспублика ақыҭанхамҩа аминистрра.