"Аԥсны аминистрцәа реилазаара аилатәараҟны иӡбан, амармалташьтә пты еизызго ауаа кьыла цыԥхьаӡа ирзыршәаларц 1000 мааҭ. Ас еиԥш аус ҵыԥхгьы еиҿкаан, сынтәа иацырҵоит. Апты аҿагыларазы аусмҩаԥгатәқәа рахь иаҵанакуеит - аԥсы шҭоу акра, анаҩс ахимикатқәа рыла анырҵәара. Аԥсныҟа иааит Урыстәыла ақыҭанхамҩа аминистрра аделегациа гәыԥҩык аспециалистцәа, урҭ алархәны ҳтәыла ақыҭанхамҩа аминистрраҟны аилацәажәара мҩаԥган. Аминистр Амиран Какалиа иҳәеит хәажәкыра 4 инаркны Аԥсны мрагыларатәи араионқәа рҟны напыла амармалташьтә пты акра ишалаго. Араионқәа рыцхрааразы иадыргаларц ауп ауааԥсыра, аволонтиорцәа, ашколхәыҷқәа. Ас еиԥш аусмҩаԥгатә иалагоит Гал, Очамчыра, Тҟәарчал араионқәа рыла. Хәажәкыра 10 инаркны Аԥсны егьырт араионқәа рҟынгьы аптқәа рнырҵәара хацдыркоит", - иҳәеит Аҩӡба.
Шәазыӡырҩла арадио Sputnik Аԥсны аефир.