АҞӘА, хәажәкыра 5 - Sputnik. Америкатәи актиор Лиук Перри 53 шықәса дшырҭагылаз иԥсҭазаара далҵит адабла ахьисыз иахҟьаны ҳәа аанацҳауеит РИА Новости, апортал TMZ адыррақәа ҵаҵӷәыс иганы.
Апортал излаанацҳауа ала, аҳақьымцәа ирылшо зегь шыҟарҵазгьы, актиор иԥсеиқәырхара рылымшеит.
Лиук Перри деицырдыруан америкатәи асериал "Беверли-Хиллз, 90210" аҟны инеигӡаз Дилан МакКеи ироль ала. Иара убасгьы иара инеигӡон Фред Ендриус ироль ақәыԥшцәа ирызку адрама "Ривердэйл" аҿы.