АҞӘА, хәажәкыра 6 – Sputnik. Венесуела адәныҟатәи аусқәа рминистр Хорхе Арреас аҳәамҭа ҟаиҵеит Дональд Трамп уаанӡатәи асанкциақәа рыҿҳәара ацҵарала Барак Обама игха еиҭаҟаиҵеит ҳәа. Абри атәы аанацҳауеит РИА Новости.
"Дональд Трамп иусбарҭа асанкциақәа рзы аусԥҟа аратификациа азурала Барак Обама игха еиҭаҟанаҵеит. Венесуела ахаангьы жәларык азы ишәарҭаны иҟамызт. Венесуела – исуверентәу дунеитә ҵакыроуп", - ҳәа иҩуеит иара Twitter аҿы.
Венесуела адәныҟатәи аусқәа рминистр Хорхе Арреас иара убасгьы иазгәеиҭеит Венесуела ажәлар америкатәи ажәлар ҩызатә жәларны иршьоит ҳәа.
"Иахьа анапы зҵаҩу аусшәҟәы агрессиаз имзызноуп ишыҟоу. Атәылаҿ арежим аԥсахра хықәкны иамоу атәыла амазарақәа анапахь раагароуп", - ҳәа иԥхьаӡоит аминистр.
Аминистр иажәақәа рыла Трамп ихымҩаԥгашьа Еиду аштатқәа руааԥсыра аибашьра раҿагылара арцыхцыхит.