АҞӘА, мшаԥы 1 - Sputnik. Канада арра-мшынтә флот аӷба "Торонтои" Испаниа арра-мшынтә флот аӷба "Санта Мариеи" Одессатәи амшынбаӷәаза иҭалеит мшаԥы 1 азы ҳәа аанацҳауеит РИА Новости.
НАТО аӷбақәа хԥа Амшынеиқәа акваториахь иҭалеит
Уаанӡатәи адыррақәа рыла, НАТО аӷбақәа хәажәкыра 28 рзы Амшын еиқәа акваториахь иҭалеит "рпартниорцәа" Украинеи Қырҭтәылеи ирыцны аҽазыҟаҵарақәа рымҩаԥгаразы. НАТО аӷбақәа рхымҩаԥгашьа хылаԥшра арҭон Урыстәыла арра-мшынтә флот аӷбақәа "Иван Хурс"-и "Васили Быков"-и.