Арадио

Габлиа Гәылрыԥшь араион аҿы адиспансеризациа азы: иазалху амшқәа маҷуп

Мшаԥымза 24 инаркны 26-нӡа Гәылрыԥшь араионтә хәышәтәырҭа ахыбраҿы имҩаԥысуеит адиспансеризациа абри атәы иҳәеит араион ахада ихаҭыԥуаҩ, ҷыдала адиспансеризациа хылаԥшра азҭо Дмитри Габлиа.
Sputnik
Габлиа Гәылрыԥшь араион аҿы адиспансеризациа азы: иазалху амшқәа маҷуп

"Гәылрыԥшь араион иатәу ақыҭақәа зегьы рхадацәа адырра рыҭоуп, урҭ рҟынтә ажәабжь ауааԥсыра рҟынӡа инагоуп. Ашколқәеи ахәыҷбаҳчақәеи рнапхгаҩцәа зегьы ираҳәан. Адиспансеризациа мҩаԥгахоит араионтә хәышәтәырҭаҿы, уи анапхгара аҳақьымцәа ирзыԥшуп. Ауаа рыдкылара иалагоит асааҭ 10 инаркны, нас ауаа ахьынӡа ыҟоу аамҭа иамыхәаԥшкәа аус рулоит ҳәа иақәдыргәыӷит. Ашәҟәы заа аҽынҵара ҳәа иҟаӡамызт, ауаа ианнеиуа аҽны ашәҟәы рыҽҭагалан агәаҭара иахысуеит. Ҳәарада, иазалху амшқәа рыҩныҵҟа ауааԥсыра зегьы ргәаҭара цәгьахоит", - ҳәа азгәеиҭеит Габлиа.          

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.