АҞӘА, лаҵара 10 - Sputnik. Аҭоурых аҿы раԥхьаӡа акәны Англиа ашьапылампылтә командақәа сезонк аҿы Ачемпионцәа рлига афинал аҿи Европа Алига афинал аҿи еицыхәмарраны иҟоуп ҳәа аҩуеит Р-Спорт.
Аԥшьаша лондонтәи "Арсенали" "Челсии" Европа Алигахь еицнеит. Ахәмарра мҩаԥысраны иҟоуп лаҵара 29 рзы, Бақәа.
Лондонтәи аклуб "Челси" пенальти асериала Франкфурттәи анемец команда "Айнтрахт" иаԥнагеит. Ашьапылампылтә клуб "Арсенал" испаниатәи "Валенсиа" 4:2 ҳәа иаиааиит.
Уаанӡа Ачемпионцәа рлига афинал ахь инеихьан акомандақәа "Тоттенхеми" "Ливерпули". Афиналтә хәмаррақәа мҩаԥысраны иҟоуп рашәара 1 азы, Мадрид.
Уаанӡа "Тоттенхем" амстердамтәи "Аякс" 3:2 ҳәа иаиааихьан. Англиатәи "Ливерпуль" акәзар, испаниатәи "Барселона" 4:0 ҳәа иаԥнагеит.