"Аҵыхәтәантәи ашықәсқәа рзы ауаҩы хәыҷык игәы иацәымӷны иҟоу аҵасқәа мҩаԥааго ҳалагеит. Ҳара иаҳҵасым, ҳаиҳабацәа иныҟәрымгоз аныҟәгара ҳалагеит. Сара уи ииашам ҳәа азысыԥхьаӡоит, иԥхашьаразар ҟалап. Ҳара ҳазхылҵыз рыԥсы ҭаны ирбазҭгьы, уи иҳанаршьомызт. Саб аибашьра ашьҭахь дыԥсит, 109 шықәса ихыҵуан. Убас аҽԥныҳәа сиҭахьан: "абарҭ ақырҭцәа рҵасқәа зааншәыжьи дара анықәышәца?" ҳәа. Есқьынагьы уи иажәақәа срызхәцуеит, ҳара иаҳтәымкәа иныҟәаҳго иахәҭам аҵасқәа ирызкны. Сара шәсазҵаауазар, зқьышықәсала акультура дуӡӡа змаз шьхагәаҩарак аҟны инхо ашәанцәа иҟарҵо зыҟаҳҵар акәузеи? Акыр улшозар иуԥхаз иҳадгәын аҟны иҟаҵа, иргыл уаҟа ибаҟа. Амҩаҿы аҟаҵара иашаӡам, уи аԥсуа культура зынӡа иазааигәаӡам", - азгәеиҭеит Думаа.
Шәазыӡырҩы аудио. Иаҳа иныиҵыхц аицәажәара шәаҳар шәылшоит арадио Sputnik аефир аҟны.