Аветеринар Шамба: аӡиақәеи аӡмыжьқәеи ирҭоу аԥсыӡ ауаҩы игәабзиаразы ишәарҭоуп
© Sputnik
"Аԥсыӡ иахьуа ачымазарақәа рацәоуп, ахьҭа, мамзаргьы аԥхарра зегь ашьӡом. Зегь реиҳа ишәарҭоу аԥсыӡ аӡмыжь аҿы иҭоу ауп. Имҩасуа аӡқәа рҿы иҭоу аԥсызқәа ачымазарақәа маҷны ирымоуп. Аӡиақәеи аӡмыжьқәа рҿы иҭоу аԥсыӡқәа ацәымқәа иаҳа ирацәаны ирымоуп, дара зфаз ауаҩы дычмазаҩхар алшоит. Аԥсабараҿы зыԥсы зшьо, ус еиԥш аԥсыӡ зкыз ауаҩы ибзианы иӡыроуп, аха зегь реиҳа ииашахоит аԥсыӡ алабораториаҿы игәеиҭар", - азгәеиҭеит Шамба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.